செங்கனல்

நாடாளுமன்ற கட்சிகள் உண்மையில் பகத்சிங்கை வருடா வருடம் சிறப்பிப்பது நடிப்பாக இல்லாமல் இருந்தால் இந்நேரம் இளைஞர்களின் செயலை அங்கீகரித்து வரவேற்று இருக்க வேண்டும். மேலும் இளைஞர்களின் முழக்கத்தின் நியாயத்தை அங்கீகரித்து அதற்காகப் போராடி இருக்க வேண்டும். அதை விடுத்து பாதுகாப்பு இல்லை, பாதுகாப்பு இல்லை என்று அலறி, ஆர்ப்பாட்டம் செய்கிறார்கள்

தங்கள் மீதான பாஜகவின் இந்த பாசிசத் தாக்குதலுக்கு எதிராக எதிர்க்கட்சிகள் என்ன நடவடிக்கையை எடுத்துள்ளன என்று பார்த்தால், கண்டனம் தெரிவிப்பது, போட்டி நாடாளுமன்றம் நடத்துவது என வழமையாகச் செய்வதைத் தாண்டி அவர்கள் வேறு எதையும் செய்யவில்லை. குறைந்தபட்சமாக இடைநீக்கத்தைத் திரும்பப் பெறக்கோரி மோடி, அமித்ஷா வீட்டையோ, துணை ஜனாதிபதியின் வீட்டையோ முற்றுகையிட்டிருந்தால் கூட பாஜகவிற்கு ஒரு நெருக்கடியினைக் கொடுத்திருக்க முடியும். ஆனால் அவர்கள் அதைப்பற்றியெல்லாம் சிந்திப்பதாகக் கூடத் தெரியவில்லை. இன்னும் சொல்லப்போனால் எதிர்க்கட்சித் தலைவர்களின் பேட்டிகள் பாஜகவின் பாசிச நடவடிக்கைகள் குறித்த புலம்பல்களாக மட்டுமே உள்ளன.

இதற்கு முன்னர் நடைப்பெற்ற குஜராத், உபி மாநிலங்களில் பெற்ற தேர்தல் வெற்றிகளைப் போலவே இந்த சட்டமன்ற தேர்தல்களிலும், பாஜக வெற்றியடைய, இரண்டு பிரதான காரணிகள் இருக்கின்றன. முதலாவதாக பாஜக மேற்கொள்ளும் இந்துத்துவ கருத்தியல் நிகழ்ச்சி நிரல், அதற்கு பெருகிவரும் மக்கள் ஆதரவு. இரண்டாவதாக மோடியை முன்னிறுத்தும் கவர்ச்சிவாதம் எனும் இழிநிலை அரசியல்.

குழந்தை பாலின விகிதம் (child sex ratio), பெண்கல்வி போன்ற பல முக்கியக் குறியீடுகளில் அனைத்து இந்திய சராசரியை விட ஜம்மு-காஷ்மீரானது முன்னேறிச் சென்றுள்ளதைக் காட்டுகிறது. இப்புள்ளிவிவரங்கள் [காஷ்மீர் பின்தங்கியுள்ளது என்ற] பொதுக் கருத்தை அடியோடு மறுக்கின்றன.

அரைகுறைப் பட்டினியோடு போராடும் மக்களும், சத்தான உணவு கிடைக்காத கர்ப்பிணிப் பெண்களும், ஊட்டச்சத்து குறைப்பாடுள்ள குழந்தைகளும் நிறைந்திருக்கும் நமது நாட்டில், அவர்களுக்கு உரிய உணவுப் பாதுகாப்பை வழங்காமல், ரேசன் கடையை ஒழித்து விட்டு, ஏதோ கொஞ்சம் பணத்தை வீசியெறிந்து, அவர்களை சந்தைச் சூதாட்டத்தில் சிக்க வைப்பது எத்தனை பயங்கரமானது?