பெண்களை முன்னிறுத்தும் அரசின் திட்டங்களும் அதிகரிக்கும் உழைக்கும் மகளிர் மீதான சுரண்டலும் ஒடுக்குமுறையும்.
பெண்கள் என்றால் ஆண் தொழிலாளர்களுக்குக் கொடுக்கும் சம்பளத்தைவிடக் குறைவாக கொடுக்கலாம். வேலை நேரத்தை அதிகரிக்கலாம். சம்பளம் இல்லாத ஓவர்டைம் வேலை வாங்கலாம். பெண் தொழிலாளர்களுக்கு என தனியான வலுவான தொழிற்சங்கங்கள் கிடையாது. அவர்கள் எதிர்த்துப் போராட மாட்டார்கள். அதுவும் கிராமங்களிலிருந்து படிப்பை முடித்தவுடன் நகரங்களுக்கு வரும் இளம் பெண் தொழிலாளர்கள் என்றால், நிர்வாகம் கொடுக்கும் குருவிக் கூடுபோன்ற அறையில் அடைத்துவைத்து வேலைவாங்கலாம். இதுதான் கார்ப்பரேட் நிறுவனங்கள் பெண் தொழிலாளர்களைப் பணிக்கமர்த்த முன்னுரிமை கொடுப்பதன் ரகசியம்.