மோடியின் ஆட்சியில் “சர்வம் அதானிக்கு அர்ப்பணம்”
இது வெறுமனே சட்டத்தை திருத்தும் பிரச்சனை மட்டும் கிடையாது, அதானிக்காக ஆஸ்திரேலியாவில் இருந்து நிலக்கரி வாங்குவதற்கான ஒப்பந்தம், சுரங்கம் அமைத்திட எஸ்.பி.ஐ. வங்கியின் கடன், வங்கதேசத்திற்கும் அதானிக்கும் இடையிலான ஒப்பந்தம், அனல் மின் நிலையம் அமைக்கும் செலவில் 80 சதவிகிதத்தை அரசே ஏற்றுக் கொண்டது, அனல் மின்நிலையம் அமைப்பதை எதிர்த்துப் போராடியவர்களை ஒடுக்கியது, வெளிநாடுகளுக்கு மின்சாரம் ஏற்றுமதி செய்வதற்காக புதிய சட்டம் கொண்டுவந்தது, தற்போது பிரச்சனை என்று வந்தவுடன் அதிலிருந்து காப்பாற்றக் கைகொடுத்திருப்பது என அதானியின் அத்தனை திட்டங்களிலும், அதன் ஒவ்வொரு கட்டத்திலும் மோடி அரசு துணையாக நின்றுள்ளது.
