அமெரிக்க ஏகாதிபத்தியம், ரஷ்ய ஏகாதிபத்தியம் என இரண்டு ஆண்டைகளிடம் கைகட்டி நின்று, அவர்களுக்குள் நடக்கும் சண்டையில் இருவரது மனமும் நோகாமல் நடந்து கொள்வதுதான் மோடியின் வெளியுறவுக் கொள்கை. இதைத்தான் விஸ்வகுருவின் ராஜதந்திரம் என காவி கும்பல் ஏற்றிப் புகழ்கிறது.
“தனக்கெதிராக அமெரிக்க ஏகாதிபத்தியம் ஆட்சிக் கவிழ்ப்பு நடத்த சதி செய்கிறது என்பது ஷேக் ஹசீனாவிற்கும் தெரிந்துதான் இருந்தது. அதன் காரணமாகத்தான் அமெரிக்காவின் கையாளான முகமது யூனுஸை கைது செய்து சிறையில் அடைக்கும் ஏற்பாட்டை 8 மாதங்களுக்கு முன்னரே அவர் முன்னெடுத்தார். முகமது யூனுஸின் மீது தொழிலாளர் நலச்சட்டங்களை மீறியது உள்ளிட்ட 198 வழக்குகள் ஹசீனாவின் அரசினால் பதியப்பட்டன.”
பணக்காரர்களுக்கான வரிகளைக் குறைப்பதாக டிரம்ப் உறுதியளித்திருப்பதால் நிதிமூலதன நிறுவனங்கள் அவரை ஆதரிப்பதாக பொதுவில் கூறப்பட்டாலும், தீவிர வலதுசாரியான டிரம்ப், உக்ரைன் போரிலும், இஸ்ரேல் போரிலும் தங்களுக்குப் பெருத்த லாபம் ஈட்டுவதற்கு வகை செய்து கொடுப்பார் என இந்த நிறுவனங்கள் நம்புவதால் தற்போது அவருக்கு ஆதரவளித்து வருகின்றன.
அமெரிக்கா நேட்டோ மூலமாக இந்தப் போரைத் தங்கள் மீது திணித்ததுதான், தங்களது பிரச்சனைகளுக்கு எல்லாம் அடிப்படைக் காரணம் என்பதை மக்கள் புரிந்துகொண்டுள்ளனர். இதனால் அமெரிக்க இராணுவ முகாம்களுக்கு எதிரான மக்கள் போராட்டம் ஐரோப்பிய நாடுகளில் பற்றிப் படர்கிறது.
